Apple siguroi fitime gjatë 3 muajve të parë të këtij viti, pavarësisht blerjeve në rënie kryesisht në dyqanet në Kinë të cilat u mbyllën që në janar dhe kjo falë rritjes së kërkesës për më shumë shërbime, pasi njerzit në mbarë botën u izoluan për shkak të koronavirusit.
Shitjet u rritën në 58.3 miliardë dollarë, nga 58 miliardë që ishin në të njëjtën periudhë të vitit të shkuar, duke tejkaluar edhe pritshmëritë prej 54.5 miliardë.
Kreu i Apple, Tim Cook tha se kompania siguroi fitime edhe në këtë periudhë të vështirë, me dyqanet Apple të mbyllura në të gjithë botën, falë rritjes fenomenale të shitjeve online. Dhe për këtë ai tha se Kina në këtë rast është në drejtimin e duhur, sepse edhe online, vijon të mbetet tregu më i madh për Apple.
Pavarësisht se kërkesa për produkte Apple, kryesisht iPhone ra ndjeshëm në muajt shkurt dhe mars, falë kërkesave online dhe rritjes së fitimeve më duhet të them se këto janë muajt kur jam ndjerë më krenar se kurrë për Apple, shtoi Tim Cook.
Shitjet e produkteve Apple ranë me 7.2% në periudhën janar-mars 2020 në 28.9 miliardë dollarë. Por edhe pse shitjet në dyqane ranë, ato online njohën vetëm rritje me 22.%. Njerëz nga e gjithë bota porositën online këto muaj, kryesisht Ora Apple dhe AirPods.
Te ardhurat neto të kompanisë u rriten me 6.2% deri në fund të marsit, në shumën e 33.5 miliardë dollarëve, duke tejkaluar fitimet e 2019-ës për të njëjtën periudhë./Fjala.al/Burimi:BBC
