Tre anëtarë të FC Koln rezultuan pozitiv për koronavirus dje gjatë provave të mëparshme në të cilat po kalojnë të gjithë futbollistët. Kjo rrit presionin ndaj Bundesligës, e cila planifikon të jetë kampionati i parë i madh europian që rifillon kampionatin në maj.
“I gjithë ekipi dhe menaxhimi i Koln-it, si dhe stafi teknik, u testuan të enjten për Covid-19. Tre persona dolën pozitivë, ndonëse të gjithë janë asimptomatikë,”- tha ekipi gjerman, i cili nuk do të konfirmojë emrat “të personave të prekur.” Sipas faqes së internetit të gazetës Bild, bëhet fjalë për dy lojtarë dhe një trajner.
Njoftimi i klubit të qytetit të North Rhine-Westphalia ka shkaktuar të dridhura për përkrahësit e etur për rifillimin e kampionatit, të ndalur që nga mesi i marsit për shkak të pandemisë Covid -19.
Bundesliga është kampionati kryesor i futbollit në Evropë që synonte të rifillonte kampionatin: Ministria e Sporteve ka konsideruar një rifillim “në mes të majit ose në fund të majit” pas dyerve të mbyllura. Javën e kaluar, lidhja gjermane (DFL) tha se ishte e gatshme të rifillojë nga 9 maji, pas dyerve të mbyllura, duke aplikuar masa higjienike dhe duke vlerësuar lojtarët rregullisht.
“Shëndeti dhe privatësia e lojtarëve dhe stafit kanë përparësi mbi gjithçka tjetër. Masat e mësipërme dhe strategjia e testimit të rregullt kanë treguar se ne tani mund të reagojmë me zgjidhje individuale, “-tha menaxheri i Koln-it, Horst Heldt në njoftimin për shtyp të klubit.
Në Gjermani, i konsideruar një nga vendet evropiane që ka frenuar më së miri koronavirusin, qeveria dhe rajonet miratuan të enjten një katalog masash që lehtësojnë presionin e mbajtjes në izolim. Një vendim i fundit ndoshta për Bundesligën mund të merret një 6 maj./Fjala.al/Katerina Tafa
