Duke filluar nga dita e nesërme në Kosovë do ketë ndtryshime e lehtësime të masave ndaj koronavirusit.
Numri i rasteve të reja me Covid-19 në Kosovë ka shënuar rënie, ndërsa janë regjistruar numër më i madh i të shëruarve.
Më 4 maj (nesër) fillon faza e parë e lehtësimit të masave, ndërsa gjatë kësaj periudhe do të zgjerohet orari i lëvizjes së qytetarëve nga 1.5 në 3 orë në dy orare, paradite dhe pasdite.
Ndërkohë faza e dytë planifikohet të jetë nga 18 maji deri më 1 qershor, ku planifikohen të lirohen masat varësisht nga situata, ndërsa faza e tretë nis nga 2 qershori deri në vendimin e radhës.
Ky lajm u bë publik nga Ministri i Shëndetësisë në Kosovë Arben Vitia, i cili ka njoftuar se nuk do të ketë më rotacion të orarit por nga nesër qytetarët do të dalin dy herë nga 90 minuta, para dhe pas dite.
Vitia shtoi se qytetarët nuk duhet të relaksohen por të vazhdojnë t’i respektojnë masat e qeverisë dhe rekomandimet e Institutit Kombëtar të Shëndetit Publik./Fjala.al/
