Altin Ndoci, i arrestuari për vrasjen e vëllezërve Haxhia, ka marrë pjesë në varrimin dhe të 3-tat e tyre duke u paraqitur me emër të rremë, madje ai ka lënë një qokë prej 28 mijë lekësh. Kur është pyetur nga familjarët e të ndjerëve se kush ishte, ai u ka thënë atyre një emër të rremë.
Kjo ka qenë dhe një nga dyshimet që e çoi Policinë në arrestimin e tij, përveç shenjave të gishtave të tij të gjetura në automjetin gri që autorët përdorën për vrasjen dhe e braktisën më pas në Shkozë.
Ndërsa para dy ditësh Gjykata e Durrësit dha masën e sigurisë “arrest me burg” për Altin Ndocin dhe Klevis Allën, të cilët akuzohen për vrasjen e dy vëllezërve Haxhia dhe për ekzekutimet e Anxhelo Avdisë e Dorian Shkozës.
Kjo seancë u zhvillua në Gjykatën e Durrës nën masa të rrepta sigurie. BW raporton se detaji që ka fundosur autorët është një pjesë xhami e ‘Toyota-s’ me xhama të zinj, që atentatorët përdorën gjatë vrasjes. Copa e xhamit u gjet në vendngjarje, ndërsa makina është kapur edhe nga kamerat e sigurisë së një subjekti aty pranë./Fjala.al
