Industria e muzikës ka gjeneruar për vitin 2019 plot 20 miliardë dollarë, për herë të parë që prej vitit 2005.
Sajtet e transmetimit të videove dhe muzikës si Spotify dhe Apple Music kanë shënuar sukses, duke llogaritur të ardhura prej 11.4 miliardë dollarë.
Billie Eilish ka kryesuar fitimet me këngët e saj single ndërsa grupi muzikor japinez Arashi ka kryesuar vitin e shkuar fitimet si albumi më i suksesshëm.
Albumi i tyre në 20 vjetorin e krijimit, arriti rekordin me 3.3 milionë kopje të shitura në mbarë botën. Ndërkohë Taylor Swift pozicionohet në vend të dytë, me 3.2 milionë kopje të albumit të shitura gjatë 2019-ës.
Nëse kombinohen këngët single dhe albume, Swift është padyshim artistja më e shitur në botë, për herë të parë në karrierën e saj që prej 2014. Në total, të ardhurat nga industria muzikore gjatë vitit të shkuar u rritën me 8.2%, duke shënuar rritje të vazhdueshme për të pestin vit në radhë.
Tregu britanik qëndron në krye, duke vijuar më pas me pjesën tjetër të Europës, SHBA dhe Japoninë.
