Është zbardhur dëshmia e një prej të akuzuarve kryesor për vrasjen e dy vëllezërve Haxhia në qytetin e Durrësit pak ditë më parë.
22-vjeçari, Klevis Alla ka dëshmuar në Polici se vëllezërit Besmir dhe Viktor Haxhia, kishin strehuar në banesë një nga grabitësit e Rinasit si dhe kishin marrë pjesë në 4 ngjarje kriminale.
“Dy vëllezërit Haxhia strehuan në banesë një nga grabitësit e Rinasit. Unë kam marrë pjesë në të paktën 4 ngjarje kriminale”, ka thënë ai.
Ndërsa para dy ditësh Gjykata e Durrësit dha masën e sigurisë “arrest me burg” për Altin Ndocin dhe Klevis Allën, të cilët akuzohen për vrasjen e dy vëllezërve Haxhia dhe për ekzekutimet e Anxhelo Avdisë e Dorian Shkozës.
Kjo seancë u zhvillua në Gjykatën e Durrës nën masa të rrepta sigurie. BË raporton se detaji që ka fundosur autorët është një pjesë xhami e ‘Toyota-s’ me xhama të zinj, që atentatorët përdorën gjatë vrasjes. Copa e xhamit u gjet në vendngjarje, ndërsa makina është kapur edhe nga kamerat e sigurisë së një subjekti aty pranë./Fjala.al/
