Pamje të tmerrshme kanë dalë nga një treg në Indonezi ku tregtohen lopë, minj dhe qen. Ky treg mbetet akoma i hapur pavarësisht frikës së koronavirusit.
Videoja e bërë në Indonezi tregon kasapët që presin kafshët ndërsa turma lëviz e lirë nëpër treg.
Ndërkohë, Ministria e Shëndetësisë në Indonezi konfirmoi 11.587 persona të infektuar me Covid-19 dhe 864 të vdekur.
Sipas gazetarit lokal Agung Maupa, i cili mori publikoi pamjet më 2 maj, kafshë të tilla kanë kërkesë të lartë pavarësisht nga pandemia e koronavirusit.
Kombet e Bashkuara kanë bërë thirrje për ndalim global të përdorimit të tregjeve ku tregtohen kafshë të tilla që paraqesin rrezik përhapjesh të viruseve.
Kina i mbylli këto tregje kur shpërtheu koronavirusi, por raportohet se ky vend i ka hapur sërish ato.
Por provat tregojnë se ekzistojnë rreziqe reale në këto lloj ambientesh.
Në një intervistë për BBC, Dr David Nabarro, i dërguari special i OBSH-së për Covid-19, tha që këshilla e tij është që të mbyllen këto tregje.
“Shtatëdhjetë e pesë përqind e infeksioneve të shfaqura vijnë nga kafshët,” tha ai.
Ai u ka bërë thirrje njerëzve të sigurohen plotësisht se nuk po krijojnë mundësi për përhapjen virale./Fjala.al/Burimi:The Sun
