Edhe pse është vendosur një paqe për shkak të pandemisë së koronavirusit, mazhoranca nuk është tërhequr zyrtarisht nga hetimi dhe përpjekja për të shkarkuar Ilir Metën nga detyra e Presidentit të Republikës. Megjithatë, në emisionin “Hard Talk” në Fjala.al, Meta theksoi se kjo çështje nuk i ngjall asnjë emocion.
Roland Qafoku: A do ta kërkoni një mandat të dytë?
Kjo nuk është një çështje të cilën as e kam menduar dhe as kam ndërmend ta mendoj ashtu sikurse nuk mendova dhe kur u zgjodha për herë të parë, dhe ju e dini shumë mirë se zgjedhja ime ishte e imponuar nga disa rrethana anormale të krijuara nga bojkoti i opozitës në zgjedhjet e përgjithshme, dhe unë u përpoqa të gjeja një zgjidhje gjithëpërfshirëse duke nxitur edhe një paketë ku posti i Presidentit do t’i takonte opozitës gjë të cilën opozita e refuzoi. Më pas unë pranova që në këto rrethana më mirë të zgjidhesha unë sesa dikush që do ishte lehtësisht i ndikueshëm nga partia kryesore në pushtet.
Roland Qafoku: Do t’ju shkarkojë mazhoranca?
Kjo është një pyetje që nuk më zgjon asnjë lloj emocioni dhe të cilës i jam përgjigjur me kohë për arsye sepse institucioni i Presidentit mund të ketë mjaft kritika legjitime, ndonjëherë mi bën edhe vajza ime kur më thotë mos bëj postime në këtë mënyrë.
LSI-ja pa Metën kryetar, Presidenti tregon gabimin e madh që ka bërë partia
https://youtu.be/liiI_aZ10W8
