Një shqiptar është arrestuar në Itali pasi i’u gjendën 1 kg kokainë.
38-vjeçari është arrestuar në banesën e tij në Rogeno, në zonën e Brianzas.
Policia prej një kohe të gjatë kishte dyshime për personin në fjalë.
‘Corriera della sera’ raporton se vlera në treg e lëndës narkotike, mund të shkonte nga 800 mijë deri në 1 milion euro. Kokaina ishte e ndarë në qese me 50 dhe 100 gramë, ndërsa pjesë tjetër ishte futur në një qese të madhe dhe sipër i ishte vendosur një foto e një pantere të zezë.
Mësohet se shqiptari ishte arrestuar dhe në vitin 2012 me trembëdhjetë kilogram marijuanë dhe një armë dhe për këtë ishte dënuar me 7 vite burg.
