Artisti i njohur i rrugës Bansky ka realizuar kryeveprën e radhës në nder të punonjësve të shëndetësisë, të cilën ja dhuroi spitalit Universitar të Southhampton në Britaninë e Madhe.
Vepra, të cilën vetë Bansky e ka quajtur “Ndryshuesi i lojës” shfaq një fëmijë teksa luan me një kukull infermiere me një maskë mbrojtëse ndërsa kukullat me superheronj si Batman apo Spiderman shihen në një kosh shumë pranë tij.
Por spitali, me vetë aprovimin e Banskyt, e ka quajtur veprën “Pikturë për shenjtorët”. Emri i referohet edhe klubit të futbollit të premierë ligës për qytetin, që njihen si “The saints”.
Bashkë me pikturën, Bansky ka dërguar edhe një shënim ku shkruhet: “Faleminderit për gjithçka që bëni për ne. Shpresoj që kjo pikturë t’ju ndriçojë sadopak, edhe pse është vetëm bardh e zi”. /Fjala.al/
