Lufta ndaj koronavirusit dhe se kur erdhi ai në Evropë apo kur u shpërnda në vende të ndryshme, ka bërë që të ngrihen pikëpyteje të shumta.
Në Francë është zbuluar në një mostër të “vjetër” të një personi që vuante nga inflamacioni në mushkëri.
Nga ana e saj, OBSH ka kërkuar që të analizohen edhe mostrat e vjetra të rasteve me inflamacion në mushkëri, që janë kontrolluar
“Mund të konstatohet se pacientët që janë konsideruar si të sëmurë nga ndezja e mushkërive – në fakt kanë qenë raste të hershme të COVID-19”, ka bërë të ditur se zëdhënësi i OBSH-së, Kristian Lindmayer nga Gjeneva për ARD.
Kjo do të ndihmonte botën që të ketë një panoramë më të qartë të historisë së koronavirusit.
Deri më tani është besuar se koronavirusi kishte mbërritur në Evropë në muajin janar.
Megjithatë një studim i fundit thekson se rastet e para mund të jenë në fund të vitit të kaluar. “Me rastin e zbuluar me COVID-19 në dhjetor, kemi një pasqyrë krejt tjetër të epidemisë. Të dhënat do të mund të ndihmonin të kuptojmë më mirë këtë sëmundje”, ka shtuar Lindmayer.
