Kryeministri Edi Rama ka mbledhur ditën e sotme në një mbledhje drejtpërdrejtë në ‘Facebook’, Komitetin Teknik të Ekspertëve për të diskutuar rreth situatës të krijuar nga koronavirusi në vend.
Mjeku Tritan Kalo ka deklaruar se ekziston mundësia e rikthimit të koronavirusit në vjeshtë, për të cilin ai u shpreh se do të shoqërohet me viruse të tjera.
“E rëndësishme, me hapjen graduale, ajo që mua si specialist më brengos që hapja të mos konsiderohet si shqyrje, por të respektojnë rregullat duke bindur veten që do jetojmë në një kohë ku rreth nesh ka COVID-19.
COVID-19 do të jetë i përzier në stinën e vjeshtës. Për sa kohë nuk kemi një vaksinë, do të jetë vetë imunizimi aktiv i popullatës që do të shkaktojë zhdukjen e tij”, tha mjeku Tritan Kalo.
