Protesta e thirrur në Tiranë nga Aleanca për Mbrojtjen e Teatrit nuk është lejuar të zhvillohet. Policia është përpjekur të shpërndajë protestuesit, por ka hasur në kundërshtimin e tyre, çka ka sjellë përplasje mes tyre.
Për disa minuta ka vijuar përplasja në qendër të Tiranës, ndërkohë që raportohet se policia ka shoqëruar në komisariat të paktën katër prej qytetarëve protestues.
Mësohet se Policia nuk kishte miratuar lejën për protestën, gjithsesi një grup qytetarësh janë mbledhur për të kundërshtuar masat e marra nga Qeveria për pandeminë e koronavirusit.
Protestuesit shprehen se kanë respektuar distancën prej 2 metrash nga njëri-tjetri, por policia pretendon të kundërtën.
