Premier League do të ndalojë festimet në grupe të golave, ndryshimet e fanellave mes lojtarëve dhe pështymën si pjesë e protokollit të ri për rikthimin e futbollit. Sipas gazetës britanike The Telegraph, masat do të zbatohen për këtë sezon dhe përdorimi i tyre mund të zgjatet deri në një periudhë deri në dymbëdhjetë muaj, për të provuar shmangien e përhapjes së virusit.
Klubet e Premier League janë duke pritur që Kryeministri Boris Johnson të njoftojë të dielën rekomandime të reja në lidhje me izolimin. Takimi që 20 skuadrat do të kenë të hënën do të varet kryesisht prej tyre, në të cilat do të diskutohen termat që futbolli anglez të përpiqet të kthehet në fillim të qershorit.
Përdorimi i fushave asnjanëse, zvogëlimi i kohëzgjatjes së ndeshjeve dhe futja e më shumë ndryshimeve janë masa të tjera që janë propozuar për ta bërë përsëri garën e futbollit të zbatueshëm.
Megjithatë këto rregulla do të duhet të aprovohen dhe në rast se do zbatohen do të sillnin goxha ndryshim në botën e futbollit./Fjala.al/ Katerina Tafa/
