Shkëncëtarët italianë thonë se po zhvillojnë vaksinën e parë që mund të vrasë koronavirusin. Kërkuesit thonë se ata e kanë zhvilluar vaksinën dhe planifikojnë të nisin testimet tek njeriu në vjeshtë, pasi fillimisht ajo u testua tek minjtë.
Shkencëtarët kanë injektuar tek kafshët virusin dhe zbuluan se me këtë vaksinë të re janë në gjendje të prodhojnë anti-trupa, që bllokojnë augtomatikisht virusin, në mënyrë që të mos infektojë qeliza njerëzore. Luigi Aurisicchio, shefi ekzekutiv në krye të “Takis Biotech”, që drejton prodhimin e vaksinës tha: “Deri më tani jemi të parët në botë që kemi arritur të provojmë neutralizimin e koronavirusit përmes një vaksine”.
Gjithsesi akademikët dhe shkencëtarët thonë se do të suprizohen nqs asnjë nga vaksinat e tjera të zhvilluara do të shfaqe të njëjtin reaksion, si kjo vaksinë. Ekspertët nga Universiteti i Oxfordit kanë nisur ndërohë të testojnë vaksina të mundshme tek njerzit në Britaninë e Madhe dhe planifikojnë të kenë miliona kampione gati deri në fillimit të muajit qershor. Kërkuesit italianë kanë krahasuar një dozë me 5 vaksina të ndryshme mbi minjtë në spitalin “Spallanzani” të Romës. Të gjitha vaksinat kanë ADN në përbërje të tyre, që përfshin injektimin e një sasie të vogël kodi të klonuar gjentikisht nga virusi, drejt trupit.
Kjo metodë funksionin njësoj si në trupin e një njeriu që është infektuar me koronavirus dhe trupi krijon menjëherë përmes kësaj vaksine, një mekanizëm vetë-mbrojtës. Kërkuesit zbuluan gjithashtu se secila vaksinë nga 5 të testuara, prodhon një përgjigje jashtëzakonisht të fortë anti-trupore, kundrejt virusit, brenda 14 ditëve./Fjala.al/Burimi: The Sun
