Një pacient që trajtohej me radioterapi në spitalin Neurokirurgjisë në QSUT është konfirmuar pozitiv me Covid-19.
Ai vinte në mënyrë ambulatore për t’u trajtuar, por ditën e djeshme pasi ka shfaqur vështirësi në frymëmarrje dhe i është marrë tamponi ka rezultuar pozitiv me koronavirus.
Të gjithë mjekët, infermierët dhe personeli ndihmës që punojnë në shërbimin e Neurokirurgjisë të gjithë tashmë janë izoluar, ndërsa bëhet me dije se të gjithëve atyre përfshirë edhe katër pacientët që ndodheshin të shtruar në atë spital dhe trajtoheshin me radioterapi u janë marrë tamponët tha gazetari Erjon Skëndaj.
Nëse do të konfirmohet edhe një tjetër rast pozitiv nga tamponët e marrë në këtë spital kjo gjë do të çonte në mbylljen e pavionit./Fjala.al/
