Personalitetet, mjekë, shkrimtarë, fizikantë dhe fitues të çmimit Nobel janë bërë bashkë për një kauzë me thirrjen për të ndryshuar radikalisht botën dhe për të mos u kthyer në normalitetin ku ishin para pandemisë.
Madonna, Robert De Niro, Cate Blanchett, Jane Fonda, Marion Cotillard apo Monica Bellucci janë mes 200 yjeve, që kanë vënë emrin e tyre në një letër të hapur që është publikuar në të përditshmen franceze “Le monde”. Ata kërkojnë që ti jepet fund konsumizmit në botë dhe apelojnë për një transformim radikal të ekonomisë, për të shpëtuar planetin.
Ideja që bëri bashkë personalitete nga e gjithë bota, u ideua nga aktorja Juliette Binoche dhe astrofizikanti Aurielen Barrau. “Ne mendojmë se askush nuk duhet të mendojë të rikthehet atje ku ishim më parë, pandemia është një tragjedi por është edhe një mundësi për njerëzimin që të kuptojë gjërat që kanë rëndësi në jetë, duke nisur nga katastrofa ekologjike”./Fjala.al/Burimi:DailyMail
