E gjithë Seria A është kthyer në stërvitje për të bërë sa më shpejt të jetë e mundur rifillimin e kampionatit, megjithatë sipas protokollit të miratuar më parë të gjithë futbollistët dhe stafet teknike duhet t’i nënshtroheshin testit me tampon.
Pas konfirmimit të rasteve te Torino, Fioretina dhe Sampdoria, makthi i virusit Covid-19 ka pushtuar edhe klubin e Milan.
Sipas “Corriere dello Sport” bëhet me dije se te Milan ka pasur 4 raste pozitive me koronavirus, ndonëse ende pritet që të mësohet sa prej tyre janë lojtarë dhe sa pjesëtarë të stafit teknik. Ndonëse ky lajm është dhënë nga media e madhe italiane, klubi nuk ka konfirmuar ende asgjë dhe nuk dihet sa i vërtetë mund të jetë.
Aktualisht në Serinë A është konfirmuar se Fiorentina ka 6 raste pozitive në klub, ku 3 ishin lojtarë dhe 3 të tjerë anëtarë të stafit teknik, ndërsa Sampdoria ka 4 raste, të cilët tashmë ndodhen në karantinë për të evituar infektimin e personave të tjerë.
Gjendur para një situate të tillë duket më e vështirë rikthimi i Serisë A, e aq më shumë tani afër./Fjala.al/
