Mbrojtësi i kombëtares angleze të futbollit dhe i përfaqësueses së Anglisë, Kyle Walker përfundoi sërish në shënjestër të kritikave pasi shkeli plot 3 herë rresht rregullat e vendosura nga autoritetet për pandeminë e coronavirus. Në fillim pjesëmarrës në një festë ilegale, e më pas vizita te mamaja e tij, e në fund një xhiro e gjatë çiklistike, “mëkatet”e lojtarit të njohur të Citizens.
Kyle Walker ka qenë shpesh “gjahu” i tabloidëve për shkak të sjelljes së tij kontroverse, por kritikat janë shtuar tani kur Britania e Madhye është në situatë të rëndë nga Covid-19. Nga shtëpia e tij në Prestbury, ai shkoi në një festë me “escort” në Rotherham, South Yorkshire, dhe më pas në shtëpinë e prindërve në Sheffield. Vetëm pak orë më parë kishte shkelur rregullat me çiklizëm në grup në zonën e Hale.
Walker reagoi në rrjetet sociale duke rrëfyuer edhe problemet e tij mendore, duke i kërkuar tifozëve mirëkuptim pasi po e abuzojnë pa të drejtë.
“Familja ime po shkatërrohet nga përndjekja që i bëjnë mediat. Po pyes veten kur do të mbarojë? Jam në pozicion të privilegjuar si sportiest dhe model dhe këtë nuk e marr për të mirëqenë”tha Walker.
