Pas vendimit të Këshillit të Lartë Gjyqësor për t’ju drejtuar partnerëve evropianë dhe amerikanë mbi përfundimin e mandatit të gjyqtarit Ardian Dvorani, ka reaguar edhe presidenti Ilir Meta.
Meta tha se vendimi për largimin e Dvoranit është përgjegjësi vetëm e KLGJ-së.
“Është një përgjegjësi që i mbetet KLGJ-së dhe askujt tjetër”, tha Presidenti gjatë komunikimit me gazetarët.
Meta foli edhe për vendimin e ministres së Arsimit, Besa Shahini, për të shtyrë zgjedhjet në Universitetin e Tiranës.
“Mendoj që është një vendim i arsyeshëm dhe i pritshëm sepse në një periudhë të vendosur nga Parlamenti për fatkeqësinë natyrore, nuk ishte mundur të organizoheshin zgjedhje gjithëpërfshirëse dhe demokratike”, tha kreu i shtetit.
