Diplomati dhe shkrimtari i njohur Ylljet Aliçka i është kthyer pasionit të vjetër të tij, tenisit.
Në një foto që ai ka publikuar sot në faqen e e tij në Facebook, Aliçka shfaqet duke luajtur lojën e tij të preferuar në një nga fushat e Parkut të Madh në Liqenin Artificial të Tiranës.
Me raketën në dorë dhe topin e vogël të tenisit, ai duket pak i shtuar në peshë, por jo në entuziazmin e tij.
Në llogarinë e tij, 69-vjeçari Aliçka që përfiton nga orari i hapjes për moshat e treta herët në mëngjes deri në orën 10.00, shkruan: Çlirim nga karantina në fund me fitore.
Ish-ambasador në Paris dhe autor i dhjetra romaneve, ai ka marrë reagime nga ky postim si nga shqiptarë por edhe ngë të huaj, miq të tij diplomatë në Shqipëri dhe botë.
