Qyteti kinez Wuhan prej nga rrodhi koronavirusi po i frikësohet një vale të dytë të Covid-19.
Të gjithë banorët e këtij qyteti do t’i nënshtrohen testit të COVID-19 në një afat kohor prej 10 ditësh.
Autoritetet e Wuhanit kanë zbuluar planin e testimit duke pranuar se bëhet fjalë për një veprim që duhet ndërmarrë sa më shpejtë të jetë e mundur.
“Pas hulumtimeve është marrë vendim që të fillojë një luftë tjetër kundër koronavirusit. Do të fillojmë me testimin e të gjithë qytetarëve të Wuhanit në 10 ditët e ardhshme. Çdo lagje do ta bëjë planin se si do të realizohet ky proces”, është thënë pas takimit të autoriteteve kompetente.
