Një firmë ligjore, klientët e së cilës janë klientë të klasit VIP si Rod Stewart, Lil Nas X e Robert de Niro ka rënë pre e hakerave.
Uebsajti i firmës “Grubman Shire Meiselas & Sacks” ka rënë, dhe hakerat mendohet se kanë tashmë në dispozicion materiale prej 756 GB, të dhëna për kontratat e punësimit, pasurinë dhe e-maile personale të VIP-ave. Madje, një prej tyre është publikuar.
Bëhet fjalë për një screenshot të një kontrate të firmosur nga Madonna dhe hakerat tashmë kërkojnë të paguhen për të mos publikuar “çështje të tjera të nxehta” të personazheve të famshëm.
Firma me bazë në Nju Jork thotë se ka njoftuar çdo klient të saj dhe po punon me ekspertët e sigurisë kibernetike. Ende nuk është mësuar se çfarë informacioni zotërojnë hakerat dhe se për çfarë po negocion me ta, firma ligjore.
Në këtë firmë janë klientë më shumë se 200 personalitete të botës së showbizit botëror dhe kompai të mëdha si Sir Elton John, Barbra Streisand, Barry Maniloë, Rod Stewart, Lady Gaga, Lil Nas X, The Weeknd, Madonna, U2 dhe Drake apo edhe aktorët e sportistët Andrew Lloyd Webber, Priyanka Chopra, Robert De Niro, Sofia Vergara, Activision, Inc, Sony Corp, LeBron James dhe Mike Tyson.
Mbetemi në pritje të publikimit të të dhënave pikante, për të cilat VIP-at paguajnë kompanitë private ligjore, për ti ruajtur anonimatin./Burimi: BBC
