Ministrja e Arsimit, Besa Shahini ka bërë me dije se duke filluar nga dita e hënë maturantët do të rikthehen në shkolla.
Përmes një video-mesazhi për maturantët që do të rikthehen në bankat e shkollës më datë 18 maj, Shahini ka publikuar edhe disa prej rregullave kryesore që duhet të ndiqen gjatë qëndrimit në shkollë në mënyrë që të mbrohet shëndeti i çdo personi.
Sipas ministres së Arsimit rregulli i parë është vendosja e maskës para shkollës dhe rreshtimi në distancë 1.5-2 metra nga njëri-tjetri, distancë e cila duhet të respektohet gjatë gjithë qëndrimit në shkollë.
“Edhe ulja në klasat tuaja është organizuar në një distancë të tillë mes njëri-tjetrit. Nëse keni nevojë të përdorni dezinfektues gjatë qëndrimit në shkollë, keni në bankat e shkollës nga një dezinfektues që mund të përdoret gjatë ditës”,- ka thënë ajo.
Më tej ajo theksoi se në hyrje të secilës shkollë dhe në korridoret e secilit kat janë të vendosura postera me ilustrime të thjeshta të rregullave kryesore që duhet të ndiqen nga maturantët gjatë qëndrimit në shkollë.
Ndërsa në fund Shahini theksoi edhet rregullin kryesor për parandalimin e përhapjes së viruseve, i cili është larja e shpeshtë e duarve, duke shtuar se: Para tualeteve të shkollës janë vendosur postera me hapat që duhet të ndiqen për një larje të thellë dhe të mirë të duarve./Fjala.al/
Rregulla të thjeshta që duhet të ndiqen nga maturantët gjatë qëndrimit në shkollë??
Gepostet von Besa Shahini am Dienstag, 12. Mai 2020
