“Eurovision”, festivali më i madh i muzikës në Evropë, filloj mbrëmë me gjysmëfinalen e parë, por me ndryshimin e vetëm që artistët nuk ishin në garë.
Të gjithë admiruesit e muzikës evropiane, patën mundësinë të ndjekin të gjitha këngët të cilat, në kushte normale do të garonin live në gjysmëfinalen e parë të “Eurovisionit”, përfshirë dhe dy shtetet automatikisht të kualifikuara si Gjermania dhe Italia dhe shteti fitues Holanda.
Në këtë edicion Shqipëria do të përfaqësohet nga Arilena Ara me këngën “Fall From the Sky” e cila fitoi Festivalin e ’58 të këngës në RTSH. Kënga do të transmetohet natën e dytë gjysmëfinale, ditën e enjte më datë 14 maj në orën 21:00.
