Pas negociatave të vazhdueshme, krijimit të protokolleve e rrëzimit të tyre pa mëshirë nga Shëndetësia italiane, kampionai i Serie A e ka një datë se kur me të gjitha gjasat do të rinisë, në 13 qershor. Asambleja e Lega, propozoi mesin e muajit të ardhshëm për rinisjen e futbollity në Apenine. objektivi kryesor është të mbyllet sezoni brenda 2 Gushtit, e në këtë mënyrë skuadrat e Serie A do mendojnë për kupat ndërkombëtare.
Kalendari i parashikuar është vërtet sfilitës për italianët, me ndeshje në do 3 ditë dhe pauzat do të lejohen pak ditë më shumë vetëm kur të jenë gjysmëfinalet e kthimit dhe finalja e Kupës së Italisë, të parashikuara tani në kalendarin e ri në 1 dhe në 22 Korrik, në pikun e verës…
Gjithçka u ravijëzua në program ndërsa FIGC pranoi protokollin me ndryshime nga Komiteti Tekniko Shkencor. Kjo nuk i la rrugë tjetër ministrit Spadafora që më parë kishte lejuar dhe stërvitjet në grup, që startojnë në 18 Maj.
Në tavolinën e bisedimeve, datë për rinisjen ishin 13 dhe 20 Qershori. Klubet votuan masivisht për datën e parë duke konsideruar programet e UEFA për Champions dhe Europa League. Tani me lejen formale të qeverisë që do vijë, lojtarët kanë 4 javë të rikuperojnë formën.
