Mary-Kate Olsen ndahet nga bashkëshorti i saj 50 vjeçar Olivier Sarkozy. Aktorja, që vitet e fundit i është përkushtuar industrisë së modës, ka kërkuar divorcin nga bankieri francez që në muajin prill por kërkesa ka mbetur pezull për shkak të periudhës së pandemisë dhe mosfunksionimit normal të gjykatave.
Gjykata e Nju Jorkut ka pezulluar çdo çështje për shkak të pandemisë, pasi në këtë shtet janë regjistruar 21 mijë të vdekur nga koronavirusi. Çifti ndërkohë raportohet se po jeton larg njëri tjetrit ndërsa aktorja ka kërkuar që martesa të zgjidhet sa më parë.
Mary-Kate dhe Olivier nisën të shoqërohen në vitin 2012 ndërsa u martuan 3 vjet më vonë. Olivier është vëllai i ish presidentit francez Nicolas Sarkozy.
Ndërkohë binjaket Olsen, Mary-Kate dhe Ashley janë ndër aktoret/biznesmene më të pasura në botë. Vetëm Mary-Kate sipas Forbes, ka një pasuri mbi 100 milionë dollarë si stiliste. Por pasuria e binjakeve vlerësohet të jetë shumë më e madhe./l.m/Fjala
Burimi: Daily Mail, Përshtati: Fjala
