Gazetarja dhe shkrimtarja Kozeta Zavalani ka publikuar fotot e të birit, Mend Zavalani, i cili u shoqërua në komisariat për shkak të pjesëmarrjes në protestën kundër shembjes së godinës së Teatrit Kombëtar.
Zavalani ka shenja të shumta në fytyrë, çka tregon për një ushtrim të dhunës nga efektivët e policisë, ndërsa nëna e tij shkruan: “Kam kaluar orë të tmerrshme në ankth. Më në fund, pas 9 orësh, neodiktatura me maska, pasi e dhunuan pa paralajmërim, ne mënyrë të pajustifikueshme e kriminale tim bir, Mend Zavalani, që mban emrin e paraardhësit e patriotit Menduh Zavalani e liruan nga paraburgimi me dëmtime të rënda dhe detyrim paraqitjeje. Krimi: qendrimi në mbrojtje të Teatrit…Tani është I traumatizuar, me veshin e çarë, që ia qepën në spital, me hematoma në sy, kokë e kudo në trup, pasi ka qendruar 9 orë në paraburgim dhe u lirua me detyrim paraqitjeje si pjesëmarrës I tubimeve të paligjshme…arkitekti që nuk donte veçse të mbronte një vlerë kombëtare!”
