Naomi Campbell nuk dëshiron të rrezikojë as edhe 1% teksa ka postuar foto në rrjetet sociale, teksa akomodohet në vendin e saj në avion, e veshur e gjitha me veshje mbrojtëse, nga koka tek këmbët, me doreza, maskë, syze dhe kokë, ndërsa sipër është vendosur masa ekstra e plastikës, për të shmangur çdo mundësi kontaminimi.
Supermodelja, e cila këtë të premte feston 50 vjetorin e saj, ka shpërndarë vetë në Instagram, foton për 9.1 milionë ndjekësit e saj ku shkruan: “Në lëvizje”, duke dhënë mesazhet se pavarësisht lehtësimit të masave në shumë vende të botës, pandemia ende qarkullon dhe mund të prekë e të vrasë këdo, nëse masat vetjake mungojnë. Ikona e modës dhe e stilit thotë se nuk është aspak turp të ruash veten në këto ditë të vështirë dhe sipas saj, kjo është mënyra më e mirë për të udhëtuar.
Madje më herët, që në korrik të vitit 2019, modelja britanike tregoi se prej 15 vitesh ajo i pastron gjithnjë me dezinfektantë sendiljet në avion dhe gjatë udhëtimit mbante të vendosura edhe doreza. Ndaj për fansat, nuk ishte aspak e jashtëzakonshme veshja e saj gjatë fluturimit këtë fundjavë. “Fluturoni të sigurt” është këshilla e 50-vjecares./Fjala.al/
