Koronavirusi mund të zhduket natyrshëm përpara se të krijohet ndonjë vaksinë, deklaroi shefi i Organizatës Botërore të Shëndetit.
“Ne po shohim një model afërsisht të ngjashëm kudo. Unë dyshoj se kemi më shumë imunitet sesa mendohet.”, tha profesori Karol Sikora, i cili më parë drejtori programin e kancerit të OBSH-së.
“Ne duhet të vazhdojmë të ngadalësojmë virusin, ndërkohë që ai po përpiqet të shpërbëhet vetë. Unë mendoj se ky është një skenar i mundshëm.”
Fjalët e tij shpresëdhënëse vijnë disa ditë pasi një studim i ri në Gazetën Ndërkombëtare të Praktikës Klinike, duke përdorur të dhënat e shkallës së transmetimit të autoritetit lokal “R”, vlerësuar se rreth 19 milion njerëz kanë “gjasa” të kenë kontraktuar tashmë virusin në Mbretërinë e Bashkuar.
Përpjekjet e epidemiologëve për të monitoruar përhapjen e vërtetë të virusit janë penguar nga vendimi i qeverisë për të braktisur testimin dhe gjurmimin e kontakteve në mes të marsit.
Ndërsa shpresat për një kthim në atë që ministrat e kanë cilësuar si “normaliteti i ri” janë mbështetur në zhvillimin e programeve të gjera të testimit dhe gjurmimit të kontaktit, shumë kanë sugjeruar që një rikthim i plotë në realitetin para shpërthimit do të jetë i mundur vetëm pas krijimit të një vaksine./Burimi: The Indipendent
