Kampionati anglez i futbollit konsiderohet më i pasuri dhe më i forti në planet, e jo më kot për të ka patur më shumë presion për rinisjen. por këtë të martë janë zbuluar 6 raste me Covid-19, te disa futbollistë të skuadrave më të mira, dhe disa anëtarë të stafit.
FA preferoi të mos e zbulojë identitetin e asnjërit prej lojtarëve, që janë shpërndarë në 3 skuadra të ndryshme, nga 20 që ka Premier League. Por rastet e zbuluara me coronavirus, vendosin në pikëpyetje nisjen e pjesës së mbetur të kalendarit në mes të muajit tjetër.
Qeveria Johnson ka qenë e qartë në protokollin sanitar, dhe ka parashikuar që nëse do të ketë raste me coronavirus, “shfaqja” do të vazhdojë . Ky është një model i ndryshëm me Bundesligën gjermane.
