Vihet në pranga një 28-vjeçar në qytetin e Krujës dhe po procedohet në gjendje të lirë një shtetas tjetër, 80-vjeç.
Shtetasi me inicialet B.C, 28-vjeç kultivonte fidanë të dyshuar cannabis sativa në një banesë në fshatin Larushk, Fushë Krujë .
Gjithashtu policia bën me dije se gjatë kontrollit u gjetën në oborrin e banesës së shtetasit I. C., 80 vjeç, banues në Larushk, Fushë Krujë, fidanë e kubikë të kultivuar me fara cannabis sativa. Për shkak të moshës, shtetasi I. C. u procedua penalisht në gjendje të lirë.
Materialet i kaluan Prokurorisë së Rrethit Gjyqësor Krujë, për veprën penale “Kultivimi i bimëve narkotike”.
