Më shumë se 60 milionë njerëz mund të shkojnë drejt varfërisë ekstreme për shkak të pandemisë Covid. Ky është paralajmërimi i presidentit të Bankës Botërore.
David Malpass thotë se institucioni që ai drejton parashikon një rënie të ekonomisë globale prej 5% këtë vit dhe shkak për këtë është lufta që kombet po bëjnë për tu përballur me koronavirusin.
Për më pak se 3 muaj, miliona vetë në të gjithë botën kanë humbur vendin e punës ndërsa bizneset kanë regjistruar humbje të mëdha. Jeta e miliona qytetarëve është vënë në rrezik, ndërsa sistemi shëndetësor është në prag kolapsi, thotë ai.
Varfëria do të arrijë nivelet më ekstreme, njësoj sa tre vitet e fundit të marra së bashku thotë kreu i Bankës Botërore.
Sipas tij, niveli i varfërisë ekstreme përkthehet në jetesë për 1.9$ për person në ditë. Banka, me seli në Washington, ka ofruar 160 milionë dollarë në formën e granteve dhe huave me interes të ulët për shtetet e varfëra, për tu përballur me pandeminë.
Sipas Malpass, pavarësisht ndërhyrjes së Bankës Botërore, për shumë shtete kjo nuk do të jetë mjaftueshëm./Burimi: BBC/ Përshtati: Fjala.al
