Deputeti i djathtë, Andi Përmeti deklaroi sot nga foltorja e Kuvendit se tre partitë kryesore në vend janë dakordësuar për të mbajtur sekret propozimin e Ambasadës së SHBA-së për të ndryshuar sistemin zgjedhor në Shqipëri.
Sipas deputetit, amerikanët kërkojnë rikthimin e listave të hapura në zgjedhjet shqiptare, por PS-PD-LSI kanë frikë nga ky propozim dhe po e mbajnë të fshehtë.
“Pse propozimi i Ambasadës Amerikane për ndryshim sistemi është mbajtur i fshehtë? Ky propozim konkret për lista të hapura është mbajtur secret. Të treja partitë janë dakordësuar për të mbajtur të fshehtë këtë propozim. Pse Edi Rama dhe partitë jashtë parlamentare kanë frikë nga ndryshimi i sistemit?”, – pyeti deputeti Përmeti.
Ai u shpreh gjithashtu se, “jam i gatshëm të shpreh votën time pro propozimit amerikan”.
