Bayern Munchin ka fituar mbrëmjen e sotme me rezultatin 5 me 2 ndaj skuadrës së Eintracht Frankfurt në “Allianz Arena”.
Në mungesë të tifozëve për të dhënë më shumë emocion në ndeshje, bavarezët kanë mundur të japin një super shfaqje golash. Kampionët e Gjermanisë vijojnë të dominojnë Bundesligën edhe pas rikthimit, prej pauzës së marrë nga koronavirusi.
Një lojë spektakolare të përmirësuar nga java në javë, janë duke shfaqur djemtë e Bayern Munchin. Ishte Goretzka ai që bëri zhbllokimin e rezultatit të parë për t’u dyfishuar më pas nga Muller që vendosën rezultatin e pjesës së parë në 2-0. Pjesa e dytë u nis me golin e Lewandowski dhe më pas ishte Davies dhe autogoli i Hinteregger që mbyllën ndeshjen për bavarezët.
Eintracht Frankfurt nga ana tjetër mundi që të shënonte dy gola në portën e Manuel Neuer dhe ato po nga autori i autogolit, Martin Hinteregger.
Aktualisht Bayern Munchin qëndron i palëkundur në krye të renditjes së Bundesligës në kuotën e 61 pikëve me një diferencë prej 4 pikësh nga Dortmund-i i vendit të dytë.k.t/Fjala.al/
