Kampionati më i madh i futbollit në Spanjë, La Liga mund të rifillojë më 8 qershor. Kryeministri spanjoll, Pedro Sanchez ka dhënë “OK” për rikthimin e ndeshjeve më të rëndësishme të futbollit vendas, por jo vetëm, raporton La Vanguardia.
Në fakt ishin disa data alternative për rikthimin që varionin midis 12 apo 19 qershori, por duket se Sanchez ka rënë dakord që të fillojë më herët.
Situata e krijuar nga koronavirusi bëri që ky kampionat të ndalohej që prej 23 marsit, ndërsa kreu i Qeverisë së Spanjës ka thënë se së shpejti do vijë edhe rikthimi.
“La Liga do të mund të nisë atë javë që fillon të hënën më 8 qershor,”-tha kryeministri në një fjalim për kombin e tij, pa përcaktuar kështu datën e saktë të nisjes, por vetëm javën.
më parë kreu i La Ligës, Havier Tebas, ka deklaruar në disa raste se qëllimi është që kampionati të mbyllet më 26 korrik. Ndërsa porsa u përket orareve, në ditët e javës ndeshjet do mund të nisin ndërmjet orës 18:00 dhe 19:30, ndërsa në fundjavë mes orës 19:00 dhe 21:00.k.t/Fjala.al/
