Qytetarët që kanë protestuar gjatë ditës së sotme për mbylljen si një masë ndaj koronavirusit të Liqenit Artificial gjatë fundjavës do të bashkohen sërish ditën e nesërme.
Gazetari dhe aktivisti, Erion Kristo tha sot se do të dilte personalisht te parku i Liqenit Artificial për të ‘shkelur’ urdhrin e Qeverisë, që sipas tij është i pajustifikueshëm për mbylljen e këtij atraksioni mjaft të frekuentuar në kryeqytet raporton Faxweb.al.
Gjatë pasdites së sotme, Erion Kristos iu bashkuan një sërë qytetarësh, që bënë thirrje kundër masave të Qeverisë për izolimin e vendit e aq më tepër në një kohë kur përgjatë gjithë javës gjithçka ka qëndruar e hapur.
Ndërsa nesër në orën 11:00 paradite, është njoftuar një tjetër lëvizje tek fusha e basketbollit pranë vëllezërve Frashëri përballë Kryeministrisë, në vijim të hapjes të Parkut të Liqenit. Protestuesit e ditës së sotme kanë ftuar qytetarët të marrin me vete edhe filxhan pasi do të hapet kafe, ndërsa bëhet thirrje për të hapur Shqipërinë.
“Nesër, ( e diel), ora 11:00 tek fusha e basketbollit pranë vëllezërve Frashëri, përballë Kryeministrisë, në vijim të hapjes të Parkut të Liqenit, hapim kafe.
p.s merni filxhan me vete
#HapniShqipėrinë”, shkruhet në mesazhin që po përhapet masivisht në rrjetet sociale.k.t/Fjala.al/
