Epidemiologu Taulant Muka e ka konsideruar të drejtë vendimin e Komunitetit Mysliman Shqiptar dhe të Qeverisë për të mos lejuar faljen e Bajramit në shesh, por nëpër xhamia. Sipas Mukës, ky vendim është i drejtë pasi studimet tregojnë se “ndalimi i grumbullimeve mbi 50 veta eshte nje nga masat me efektive ne ndalimin e perhapjes se infeksionit”.
Sa i përket faljes në xhamia, që është ambient i mbyllur, Muka thekson se “duhen respektuar masat e higjenës, distancimit fizik dhe numri i besimtarëve që lejon sipërfaqja e një institucioni fetar në një moment kohor të caktuar”.
Reagimi i plotë
A eshte i drejte vendimi i qeverise per ndalimin e lutjes se besimtareve myslimane ne sheshin ne qender?
■Po, shume i drejte! Mos te bejme politike dhe populizem, por ti referohemi shkences. Sipas studimeve ndalimi i grumbullimeve mbi 50 veta eshte nje nga masat me efektive ne ndalimin e perhapjes se infeksionit- rezultatet paraprake tregojne nje efekt prej 35%. Duhet te kemi parasysh se aktivitete te tilla jo vetem behen ne kushtet e nje dendesie te madhe qytetaresh, por edhe te nje qendrimi bashke per nje kohe me te gjate, dy kushte qe kane efekt te larte ne perhapjen e infeksionit.
A mund te ishim ne nje situate tjeter kur besimtaret mund te mos ndalosheshin?
■Po, nese virusi do ishte çrrenjosur nga vendi yne, çfare dhe eshte qellimi i izolimit ekstrem sikurse u aplikua tek ne. Gjithsesi, qeveria deshtoi ta arrinte kete qellim, pasi sot kemi ende raste ditore te Covid.
A eshte e drejte mbledhja e besimtareve ne xhamia/kisha?
■Po, por sikurse te gjitha aktivitetet e tjera, perfshire aktivitetin arsimor, duhen respektuar masat e higjenes, distancimit fizik dhe numri i besimtareve qe lejon siperfaqja e nje institucioni fetar ne nje moment kohor te caktuar. Mosrespektimi i masave duhet denuar sipas dispozitave normative. Gjithashtu, eshte e nevojshme ajrosja e institucioneve duke lene dyert/dritare hapur. Kur eshte e mundur, njesoj si me aktivitetet e tjera, institucionet fetare duhet te inkurajojne lutjet/aktivitetet fetare te behen ne shtepi/online!
Covid nuk duhet te na ndaloje te heqim dore nga gjerat qe i kemi perzemer, thjesht duhet te pershtatemi ti bejme disa gjera ndryshe per disa muaj!
Gezuar Bajramin te gjithe besimtareve!
