Në vitin e fundit një trajner “on top” dhe i kërkuar nga gjysma e Europës, si Massimiliano Allegri u vendos në faqet e para të gazetave, më shumë për marrëdhënien e tij me këngëtaren Ambra Angiolini, sesa për futbollin. I detyruar të mbijetojë në karantinë me bukuroshen që nuk e fsheh xhelozinë as në publik, tani tekniku italian po joshet nga partnerja për tiu rikthyer sfidave.
Italiani ka oferta të ndryshme por po joshet më shumë nga ideja për të drejtuar në një kampionat të paprovuar. Paris SG është një skuadër me potencial ekonomik dhe plot, yje, por gjithashtu kryeqendër e modës dhe spektaklit dhe “piazza” ideale edhe për Ambra Angiolinin, që vendos jo pak për skuadrat e Allegri.
Tekniku italian pritet të zëvendësojë Thomas Tuchel pasi sheiku Al Khelaifi nuk beson se me gjermanin, PSG mund të fitojë Ligën e kampioneve, trofeu i vetëm që nuk po arrihet pavarësisht investimeve të çmendura si Neymar.
