Kërkesa e madhe klubeve për të pasur talentin shqiptar, Marash Kumbullën, në radhët e tyre ka bërë që Verona të mos qëndrojë duarkryq.
Deklarata e Presidentit të UEFA-s, Aleksandër Ceferin, se ai dhe institucioni që drejton nuk mund të ndërhyjë e ndryshojnë dot rregullat e merkatos, pasi sipas tij kjo është një marrëdhënie që e rregullon tregu, është duke u shfrytëzuar nga Verona raporton Tuttomercatoweb.
Drejtori Sportiv i Veronas, Tony D’Amico, ka bërë me dije se është parashikuar një rritje e ndjeshme e vlerës së kartonit të Kumbullës. Vlera për t’u futur në negociatë tashmë është 30 milionë euro. Ndërsa në fillim të gjithë diskutimit, vlera fillestare parashikohej 20 milionë euro, shifër të cilën ishin të gatshëm ta paguanin shumë klube në Serie A, si Inter, Lazio, Napoli e Fiorentina.
Megjithatë kërkesat në rritje për 20-vjeçarin kanë bërë që drejtuesit e Veronas të ndryshojnë qëndrim, duke pretenduar se vlera e tij tashmë është minimalisht 30 milionë euro. Duhet theksuar se kjo është një shifër e lartë për klubet italiane, aq më tepër në këtë periudhë krizë, e cila bën të shihet se e ardhmja e Kumbullës të jetë larg Italisë dhe më pranë Anglisë, ku në garë për të janë disa klube me buxhet të madh si Chelesa e Manchester United.k.t/Fjala.al/
