Kur duhet ende të riformatohet sezoni aktual me një mijë e një problemet e lindura nga situata e pandemisë, et Milan tani llogarisin edhe fatin e keq. Në “infermieri” është shtuar një emër që kuqezinjtë shpresonin se nuk do kishte nevojë për trajtim, Zlatan Ibrahimovic.
Një problem fizik i bomberit suedez ka vënë në pikëpyetje impenjimin e tij muajin e ardhshëm në Serie A. Zlatan Ibrahimovic u ndal për shkak të një dëmtimi. Në seancën e fundit në Milanello, suedezi ndjeu dhimbje në njërën pulpë kur provoi një sprint gjatë një minindeshjeje stërvitore. Nëse mjekët e rikonfirmojnë të martën se bëhet fjalë për tërheqje muskulare ai do të qëndrojë jashtë fushave 30-45 ditë.
