Moderatorja sportive në RTV Ora, Albana Bejko ndërsa ishte e ftuar në emisionin “Mos i fol shoferit”, ka deklaruar se ndërsa ishte në Amsterdam ka konsumuar kek me hashash.
Gjatë kësaj eksperience ajo thotë se pasi e ka konsumuar kekun fillimisht ka qeshur dhe më pas ka qarë për dy orë rresht dhe ka kuptuar se nuk e donte të dashurin.
Më tej moderatorja shton se mendimi se nuk e donte të dashurin ishte thjesht si efekt i kekut dhe jo në realitet.
“E kam provuar, në Amsterdam, ishte një kek me hashash. Ishte një eksperiencë që nuk e kisha provuar kurrë. Ishim një grup shoqëror, e hëngrëm kekun dhe morëm ato varkat e Amsterdamit ku bëmë xhiro. Aty na u duk sikur nuk po na zinte, por efektin e dha pas nja gjysmë ore.
Na zuri të gjithëve dhe secili u shpërnda në punën e vet. Unë e di që kam qeshur pafund diku tek 2 orët e para pastaj tek orët e tjera kam qarë, për çdo gjë që nuk kisha qarë ndonjëherë në jetë.
Në atë kohë kisha një të dashur, e kisha përballë dhe nuk e di pse ndjeva sikur nuk e doja dhe qava pafund. Por ishte efekti i hashashit nuk ishte në realitet”, u shpreh moderatorja./R.G
