Nuk janë të rrallë rastet e politikanëve shqiptarë që të jenë deputetë at e bir. Madje ka edhe rekordmenë si Ben Blushi që ka qenë deputet vetë por të tillë ka patur të atin, gjyshin dhe stërgjyshin. Por at e bijë deputet në Shqipëri është vetëm një rast: Azem dhe Rudina Hajdari. Në emisionin HARD TALK NGA ROLAND QAFOKU deputetja aktuale e kuvendit zbuloi pjesën e ngjashmërisë me babin e saj.
-A ju mungon babai?
-Po, më mungon shumë, çdo sekondë më mungon.
-A ka ndonjë moment kur ju e kujtoni 12 shtatorin jo vetëm në 12 shtator?
-Ajo është një pjesë shumë ë rëndësishme e jetës sime dhe padyshim që i rikthehem. Është çështje e formimit të karakterit tim sepse momente të tilla të formojnë shumë.
-Zakonisht në Shqipëri, fëmijët nuk iu kanë ngjarë prindërve politikanë. Sa i ngjan babait?
-Uroj që shumë. Kam patur marrëdhënie shumë të fortë me tim atë. Ishim goxha të lidhur me njëri-tjetrin dhe unë e adhuroja tim atë, ashtu siç mund ta adhurojë çdo fëmijë të atin e vet. Jam rritur me atë dashuri , jam rritur me idetë e tij dhe uroj që të kem po atë lloj guximi që ka patur ai./Fjala/k.b
https://youtu.be/XymfZcPqZ24
