Jehona e madhe e shembjes se godinës së Teatrit Kombëtar mesa duket ka prekur edhe këngëtarin zviceran Marco Zappa i cili ka dalë publikisht në mbështetje të kauzës.
Më 16 Nëntor të vitit të kaluar, në sallën e Teatrit Kombëtar, Zappa dhuroi një koncert, një formë solidariteti në mbështetje të kauzës.
Marco Zappa ka publikuar një këngë për Teatrin Kombëtar. Përmes këngës, Zappa tregoi sërish mbështetjen ndaj kësaj kauze të pasuar nga protesta, dhunë të ushtruar nga policia dhe shoqërime të artistëve, aktivistëve e politikanëve në komisariatet e qytetit.
Në tekstin e këngës, Zappa thekson se një natë, grushti i shtetit e shembi Teatrin Kombëtar. Më tej, përmes këngës ai shprehet se zemrat e të gjithëve janë të tronditura ndërsa shton se dhuna e një pushteti të kujton të kaluarën.
b.gj/fjala.al
