Pandemia e koronavirusit e bëri të domosdoshme përdorimin e maskave nga të gjithë njerëzit kudo në botë për t’u mbrojtur nga virusi vdekjeprurës.
Megjithatë nga të gjithë u ngrit pyetja nëse këto maska mund të përdoren te fëmijët e vegjël nën 2 vjeç.
Për këtë arsye Shoqata e Pediatrisë në Japoni, paralajmëroi prindërit të mos u vendosin maska foshnjave, sepse mund të paraqesin rreziqe të ndryshme raporton Telegrafi.
“Është e mundur që maskat mund të vështirësojnë frymëmarrjen e foshnjave dhe të rrisin rreziqet e temperaturës”, thuhet në udhëzim.
“Foshnjat kanë rrugë të ngushta ajrore dhe maska mund ta bëjë më të vështirë frymëmarrjen, duke rritur ngarkesën në mushkëri”, thuhet më tej.
Ndërkohë shoqata ka dalë në përfundimin se foshnjat janë me rrezik relativisht të ulët nga infeksionet e koronavirusit dhe maskat nuk janë të nevojshme për ta.k.t/Fjala.al/
