Virologe kineze Shi Zhengli ka thënë sot se Covid-19 është vetëm maja e ajsbergut dhe se duhet bashkëpunim ndërkombëtar për të luftuar pandeminë.
Në një interviste për televizionin shtetëror kinez, ekspertja e cila është edhe zv.drejtoresha e Institutit të Virologjisë në Wuhan u shpreh se studimet që po kryhen për koronavirusin kërkojnë transparencë dhe bashkëpunim mes qeverive dhe komunitetit shkencor, duke theksuar se është “shumë për të ardhur keq” kur shkenca politizohet.
“Nëse duam të parandalojmë që qeniet njerëzore të vuajnë nga një tjetër shpërthim sëmundjeje infektive, duhet të jemi një hap para sa i takon njohjes së viruseve të panjohura të bartura nga kafshët e egra në natyrë dhe të japim paralajmërime të hershme“, thotë ajo për CGTN.
“Nëse nuk i studiojmë ato, ka mundësi të ketë një shpërthim tjetër.”-ka thënë Shi Zhengli.k.t/Fjala.al/
