“Kjo është luftë”, kryeministri Edi Rama e ka përsëritur disa herë këtë frazë teksa komunikonte masat e vështira izoluese për qytetarët për shkak të pandemisë së COVID-19.
Në javët e para të përballjes me “armikun e padukshëm”, u ndalua lëvizja për të gjithë qytetarët, si për këmbësorët edhe për ata me automjete. Por në momentin e parë që “armiku” u zbraps, filloi lehtësimi për qytetarët.
Lëvizja u lejua fillimisht deri në orën 13.00, për t’u liruar deri në orën 17.30, ndërkohë që lëvizja me automjete mbeti e bllokuar, përveç automjeteve të bizneseve që lejoheshin të punonin.
Ndërkohë që në rrjetet sociale po qarkullon një foto e urdhrit të firmosur nga Mehmet Shehu në vitin 1994, kur nazistët kishin filluar të zbrapseshin. Kjo foto të krijon ndjesinë e udhëtimit në kohë pasi masat e marra në 2020-ën janë shumë të ngjashme me ato të 1944-ës.
Jo më kot kryeministri Edi Rama këmbënguli shumë në faktin se përballja me koronavirusin ishte luftë dhe masat e marra do të ishin të njëjta me ato në kohë lufte.
