Stafi i ngushtë i Kështjellës Windsor, që kujdesen për mbretëreshën Elizabeta dhe princin Filip, i nënshtrohen masave të rrepta kundër Covid-19. Stafi që i shërben monarkes, punojnë me turne, të ndarë në dy grupe, nga 3 javë secili.
E duke qenë se mbretëresha është izoluar dhe ka hequr dorë përkohësisht nga detyrat zyrtare për shkak të frikës së prekjes nga koronavirusi, edhe stafi që i shërben është i detyruar të ndjekë të njëjtin shembull. Ata duhet të kalojnë 1 javë në izolim dhe të rezultojnë negativ në 3 teste të njëpasnjëshme, përpara se të kthehen në kështjellë për të marrë turnin. Monarkja 94 vjeçare prej 9 javësh vijon të qëndrojë e izoluar bashkë me princin Filip, 99 vjeç.
Bashkë me ta, me turne të ndara, jetojnë 24 punonjës të devotshëm. Ata ndahen në grupe, 3 javë punon njëri grup dhe 3 javë grupi tjetër. Këtu përfshihen shefat e kuzhinës, stafi i mirëmbajtjes si dhe sigurimi. Ndërsa truprojat personale të monarkes kanë firmosur një deklaratë në të cilën pranojnë që deri në përfundim të pandemisë, do të jetë në kështjellën Windsor, larg familjes së tyre./Fjala.al/Burimi:DailyMail
