Covid-19 dhe transmetimi i tij kanë qenë kryefjala e muajve të fundit në të gjithë botën. Ndërsa janë marrë një sërë masash dhe janë treguar shumë mënyra se si duhet të ruhemi nga infektimi nga ky virus, së fundmi është publikuar edhe një video që shfaq si behët transmetimi i Covid-19 në një urban.
Daily Mail ka paraqitur video të udhëtimit në transport publik, të bërë nga firma e software-ve MSC, ku mund të shihet sesi një person i infektuar mund t’ua kalojë virusin pasagjerëve të tjerë vetëm duke folur.
Nga kërkuesit është zbuluar se dikush që mund të jetë duke folur me një mik në transportin e nëntokës mund t’i infektojë të tjerët me koronavirus edhe nëse nuk tështin apo kollitet.
Ndërsa modeli i ri tregon se si spërklat që lëshohen nga frymëmarrja shpërndahen në disa hapësira të mbyllura. siç mund të jenë mjetet e transportit publik.
Eksperti për sëmundjet respiratore nga Universiteti i Leicester Dr Julian Tang, tha për BBC News se spërklat e prodhuara ndërsa flasim nuk udhëtojnë aq larg sa ato që lëshohen nga kolla apo tështima, por studiuesit thonë se mbeten mjaft të rrezikshme për transmetimin e virusit.
MSC Software, të cilët krijuan simulimin në fjalë, nga ana tjetër thonë se vendosja e maskës është jetësore për ngadalësimin e përhapjes së virusit.k.t/Fjala.al/
