Pas tre tamponëve të gjithë negativë, edhe bologna në raundin e katërt duhet të përballet me një situatë që i sjell një rast pozitiv të dyshuar me coronavirus. Skuadra e Serie A ka raportuar një anëtar stafi me simptomat e Covid-19 të cilin e ka izoluar në pritje të konfirmimeve të tjera, ndërsa ka fshehur edhe identitein.
Stërvitja e kquebluve është pezulluar dhe seancat do të rinisin të enjten por në formë individuale dhe në orare të diferencuar, si masë paraprake. I gjithë grupi do të izolohet në grumbullim, dhe ndërsa pritet analiza tjetër, dyshohet se rrezikohet sezoni.
Dyshohet se i prekuri është një mes Miroslav Tanjga, Emilio De Leo, bashkëpunëtorët teknikë Gabriel Raimondi, Renato Baldi, përgatitësi i portierëve Luca Bucci, përgatitësit atletikë Massimiliano Marchesi, Stefano Pasquali e Nicolò Prandelli dhe video analisti Davide Lamberti. Kjo shton “mjegullën” ndaj rinisjes së futbollit në Itali, në një nga vendet më të goditura keq, nga pandemia.
